SSWバス運送業 (ဂျပန်ဘတ်စ်ကားသယ်ယူပို့ဆောင်ရေးလုပ်ငန်း (ကျွမ်းကျင်လုပ်သား) အတန်း)

ဂျပန်နိုင်ငံဘတ်စ်ကားသယ်ယူပို့ဆောင်ရေးလုပ်ငန်း (ကျွမ်းကျင်လုပ်သား) သင်တန်း

(စုစုပေါင်း ၇ နာရီကြာ အွန်လိုင်းဗီဒီယိုသင်တန်း / Total: 7 Hours Video Course)

ဤသင်တန်းသည်ဂျပန်နိုင်ငံတွင်ဘတ်စ်ကားယာဉ်မောင်း (Specified Skilled Worker - SSW) အဖြစ်လုပ်ကိုင်လိုသူများအတွက်လိုအပ်သောအသိပညာများကို 公益社団法人 日本バス協会 (Japan Bus Association) ၏တရားဝင်သင်ရိုးညွှန်းတမ်းစာအုပ် (外国人向け学習用テキスト) အတိုင်းတိကျမှန်ကန်စွာသင်ကြားပေးမည့် သင်တန်းဖြစ်ပါသည်။

သင်ရိုးညွှန်းတမ်း

၁။ 運行編 - ယာဉ်မောင်းနှင်မှုနှင့် ယာဉ်စည်းကမ်းပိုင်း

ဂျပန်နိုင်ငံ၏လမ်းမကြီးများပေါ်တွင်ဘတ်စ်ကားတစ်စီးကိုစနစ်တကျမောင်းနှင်ရန်နှင့် ယာဉ်မောင်းသူတစ်ဦးလိုက်နာရမည့် ဥပဒေ၊ ဘေးကင်းလုံခြုံရေးဆိုင်ရာအခြေခံများကို သင်ကြားပေးပါမည်။

• အခြေခံစိတ်ဓာတ်၊ မီးပွိုင့်နှင့် လမ်းညွှန်အချက်ပြမှုများ (基本的な心構え・信号等)

  • လမ်းပေါ်ရှိလမ်းလျှောက်သူများနှင့် အခြားယာဉ်မောင်းများအပေါ် စာနာထောက်ထားမှု၊ ယာဉ်မောင်းတစ်ဦး၏တာဝန်။

  • ဘတ်စ်ကား၏ 死角 (အမြင်ကွယ်ရာနေရာများ) နှင့် 内輪差 (ကွေ့သည့်အခါရှေ့ဘီးနှင့် နောက်ဘီးလမ်းကြောင်းကွာဟချက်) စသည့်ယာဉ်၏ဝိသေသလက္ခဏာများ။

  • ဂျပန်နိုင်ငံရှိ မီးပွိုင့်အချက်ပြမှုများ၊ ရဲအရာရှိများ၏ ညွှန်ကြားချက်များနှင့် လမ်းပေါ်တွင်လုံးဝမပြုလုပ်ရမည့်တားမြစ်ချက်များ။

  • ဘတ်စ်ကား ဦးစားပေးစည်းကမ်း (路線バス等の優先): မှတ်တိုင်မှ ထွက်ခွာမည့်ဘတ်စ်ကားကိုဦးစားပေးရမည့် ဥပဒေနှင့် ဘတ်စ်ကားသီးသန့်လမ်းကြောင်း (Bus Lanes) ဆိုင်ရာ စည်းမျဉ်းများ။

• မောင်းနှင်မှုအကြိုစစ်ဆေးခြင်းနှင့် လိုင်စင်စနစ် (自動車の点検・運転免許)

  • ယာဉ်မောင်းလိုင်စင်စနစ် (運転免許の仕組み): ဘတ်စ်ကားမောင်းရန်လိုအပ်သောဒုတိယအမျိုးအစားလိုင်စင် (第二種免許) အကြောင်း။

  • နေ့စဉ်ယာဉ်စစ်ဆေးခြင်း (自動車の点検): ခရီးမထွက်မီတာယာများ (အက်ကွဲကြောင်းနှင့် ဝက်အူရစ်များကိုတူဖြင့်ခေါက်၍စစ်ဆေးခြင်း)၊ အင်ဂျင်ဝိုင်၊ ဘရိတ်စနစ်နှင့် အရေးကြီးအစိတ်အပိုင်းများကိုနေ့စဉ်စစ်ဆေးရမည့်လုပ်ငန်းစဉ်များ။

• ဘေးကင်းသောမောင်းနှင်မှုနည်းစနစ်များ (安全運転の方法)

  • မှန်ကန်သောမောင်းနှင်မှုအနေအထား (運転姿勢) နှင့် အန္တရာယ်ကင်းသောအရှိန်နှုန်း၊ ရှေ့ကားနှင့် အကွာအဝေးထိန်းသိမ်းခြင်း။

  • လမ်းကြောင်းပြောင်းလဲခြင်း (進路変更)၊ လမ်းဆုံလမ်းခွများဖြတ်သန်းခြင်း (交差点の通り方) နှင့် 踏切 (မီးရထားသံလမ်း) ကိုဘေးကင်းစွာဖြတ်သန်းနည်း။

  • လမ်းပေါ်တွင် 駐車/停車 (ရပ်နားခြင်းနှင့် ခေတ္တရပ်ခြင်း) ပြုလုပ်ရာတွင်လိုက်နာရမည့်စည်းကမ်းများ။

• အန္တရာယ်ရှိသောနေရာများ၊ အဝေးပြေးလမ်းနှင့် အရေးပေါ်တုံ့ပြန်မှု (危険な場所・高速道路・緊急時)

  • ညခါမောင်းနှင်ခြင်း (夜間) နှင့် မိုးသည်းထန်ခြင်း၊ ရာသီဥတုဆိုးရွားချိန် (悪天候) တွင်သတိပြုရမည့်အချက်များ။

  • အဝေးပြေးလမ်းမကြီးများပေါ်တွင်မောင်းနှင်ခြင်း (高速道路での走行) ဆိုင်ရာစည်းကမ်းများနှင့် သတိပြုရန်အချက်များ။

  • ယာဉ်တိုက်မှု၊ စက်ချို့ယွင်းမှု သို့မဟုတ် သဘာဝဘေးအန္တရာယ်များ ကြုံတွေ့ရပါက လုပ်ဆောင်ရမည့် အရေးပေါ်အဆင့်ဆင့် (緊急時の措置)။

၂။ 接遇編 - ဝန်ဆောင်မှုပေးခြင်းနှင့် ယာဉ်ထိန်းသိမ်းမှုပိုင်း

ဘတ်စ်ကားယာဉ်မောင်းတစ်ဦးအနေဖြင့်ခရီးသည်များနှင့် တိုက်ရိုက်ထိတွေ့ဆက်ဆံရသည့်လုပ်ငန်းစဉ်များ၊ ဧည့်ဝတ်ကျေပွန်မှု (Omotenashi) နှင့် တာဝန်စတင်/ပြီးဆုံးချိန် လုပ်ငန်းစဉ်များကို သင်ကြားပေးပါမည်။

• ဘတ်စ်ကားယာဉ်မောင်း၏ ကျင့်ဝတ်နှင့် Roll-Call (バス運転者の心得・点呼)

  • Roll-Call စစ်ဆေးခြင်း (点呼): တာဝန်မစမီနှင့် တာဝန်ပြီးဆုံးချိန်တွင်မျက်နှာချင်းဆိုင်စစ်ဆေးခြင်း (対面点呼)၊ ကျန်းမာရေးနှင့် ပင်ပန်းနွမ်းနယ်မှုစစ်ဆေးခြင်း၊ အယ်လ်ကိုဟောတိုင်းတာခြင်း (Alcohol Breath Test) နှင့် အရက်သောက်စားမောင်းနှင်မှုအပေါ်တားမြစ်ချက်များ။

  • ယာဉ်ထိန်းသိမ်းခြင်း (帰庫対応・清潔保持): တာဝန်ပြီးဆုံး၍ဂိတ်ပြန်ရောက်ချိန်တွင်ကားအနောက်ဆုံးအထိသွားရောက်၍ ခရီးသည် သို့မဟုတ် မေ့ကျန်ခဲ့သောပစ္စည်းများ (忘れ物) ရှိမရှိစစ်ဆေးခြင်းနှင့် ကားအတွင်းပိုင်းသန့်ရှင်းရေး片付け ပြုလုပ်ခြင်း။

• ဧည့်ဝတ်ကျေပွန်မှုနှင့် ဘတ်စ်ကားလုပ်ငန်းစဉ်များ (接客全般・運賃収受・ドア開閉)

  • ဧည့်ဝတ်ကျေပွန်မှုအခြေခံ (接客全般): စီးနင်းသူများအပေါ် ယဉ်ကျေးပျူငှာစွာ ဆက်ဆံပြောဆိုနည်းနှင့် သပ်ရပ်သော ယူနီဖောင်းဝတ်ဆင်မှု။

  • ဘတ်စ်ကားအတွင်းလုပ်ငန်းစဉ်များ (運賃収受・ドア開閉): တရားဝင်သတ်မှတ်ထားသောယာဉ်စီးခများကိုစနစ်တကျလက်ခံရယူခြင်း (運賃収受)။

  • ကားတံခါးအဖွင့်အပိတ်လုပ်ဆောင်ချက် (ドアの開閉操作): ကားလုံးဝရပ်တန့်ပြီးမှတံခါးဖွင့်ခြင်း၊ တံခါးပိတ်သည့်အခါကြည့်မှန်များမှတစ်ဆင့်ခရီးသည် သို့မဟုတ် အထုပ်အပိုးများညှပ်မိခြင်းမရှိစေရန်အသေအချာအတည်ပြုပြီးမှထွက်ခွာခြင်း။

• အထူးလိုအပ်ချက်ရှိသူများအားကူညီခြင်းနှင့် အရေးပေါ်လူနာတုံ့ပြန်မှု (障がい者対応・急病人対応)

  • အထူးလိုအပ်ချက်ရှိသူများအားကူညီခြင်း (障がい者/高齢者対応): သက်ကြီးရွယ်အိုများနှင့် မသန်စွမ်းသူများကားအတက်အဆင်းပြုလုပ်သည့်အခါစိတ်ရှည်စွာကူညီပေးခြင်း။

  • ဘီးတပ်ကုလားထိုင် (Wheelchair) အသုံးပြုသူများအတွက်: ဘတ်စ်ကားစောင်းပြား (Slope) ကိုအသုံးပြု၍ကားပေါ်သို့ ဘေးကင်းစွာတင်ဆောင်နည်းနှင့် ကားပေါ်တွင် ဘီးတပ်ကုလားထိုင်ကို စနစ်တကျ လော့ခ်ချနည်း။

  • ကားတွင်းမတော်တဆမှုကာကွယ်ခြင်း: ကားမောင်းနေစဉ်ခရီးသည်များ လဲကျခြင်း (In-vehicle accidents) မဖြစ်ပွားစေရန်အတွက်ကွေ့သည့်အခါ သို့မဟုတ် ဘရိတ်နင်းသည့်အခါ ကားအတွင်းအသံချဲ့စက်ဖြင့်ကြိုတင်အသိပေး နှိုးဆော်ခြင်း (乗客への声かけ)။

  • အရေးပေါ်လူနာတုံ့ပြန်ဆောင်ရွက်ရမည့်နည်းလမ်းများ (急病人に対する対応): ကားပေါ်တွင်ခရီးသည်များထဲမှ ရုတ်တရက်ဖျားနာသူရှိလာပါကလုပ်ဆောင်ရမည့်အချက်များ။

သင်တန်း၏ရည်ရွယ်ချက် (Course Objective)

ဤသင်တန်းသည်ဂျပန်နိုင်ငံ 公益社団法人 日本バス協会 (Japan Bus Association) ၏တရားဝင်စာအုပ်ပါအကြောင်းအရာများကို ၇ နာရီအတွင်းအပြည့်အဝ အကျုံးဝင်အောင်သင်ကြားပေးမည်ဖြစ်ပြီး ၊ ဂျပန်နိုင်ငံ၏ ဘတ်စ်ကားသယ်ယူပို့ဆောင်ရေး လုပ်ငန်းခွင်တွင်မဖြစ်မနေလိုအပ်သောတရားဝင်ဥပဒေများ၊ ဘေးကင်းလုံခြုံရေးဆိုင်ရာမောင်းနှင်မှုအသိပညာများနှင့် ဖောက်သည်ဝန်ဆောင်မှု (Omotenashi) ဆိုင်ရာကျွမ်းကျင်မှုများကိုအပြည့်အဝရရှိစေရန်ရည်ရွယ်ပါသည်။